Joriy yilning 25-fevral sanasida Arnasoy tuman Axborot-kutubxona markazi xodimlari tomonidan tumandagi 22-sonli “Jasorat” maktabining 8-sinf o‘quvchilari ishtirokida ma’naviy-ma’rifiy davra suhbati tashkil etildi.
Tadbir davomida o‘zbek adabiyotining zabardast vakili Muso Toshmuhammad oʻgʻli Oybek qalamiga mansub “Navoiy” romani keng tahlil qilindi. O‘quvchilar asar qahramonlari, tarixiy voqealar hamda romanning tarbiyaviy ahamiyati yuzasidan o‘z fikr-mulohazalarini bildirdilar. Davra suhbatida 16 nafar ishtirokchi qatnashdi.
